| تبليغات | X |
+ نوشته شده در جمعه 1387/02/27ساعت 1:54 توسط خزر |
مئترووا باخ « نه ایشیقلی قارانلیق دیر»- دئدی اوشاق. قارانلیق دا ایشیق آختاران اوشاغا باخ. (فیکرت صادیق) *** من بیر سوبای آم پارام یوخ قاریم السون گئجه لر شیطان گیرر یوخوما ساغ السون (قدریه ضیایی کرکوک) *** بیر یول منی آپاران یول بیر داغ اته یینده یولو ساخلایان داغ بیرده من داغی چیینینده چکن یولچو (فرشید فرشیدفر) *** سئوگیلیم، منه الجک توخویورسان سا سوزوم یوخ آنجاق دیرناق لاری چکیلمیش بارماقلاریمی اونوتما (مسعود هارای) *** و قبریستان یئره سریلمیش بیر دیوار ماشاالله نه چوخ قاپیسی وار! هامیسی دا ایکی اوزلو: آلتا گلمک اوسته گئتمک باخما بیزه قاپی لارین گؤزللییی ایکی اوزلولوکده دیر... (ایلقار دوستی) *** " آنا یوردوم"... قارنین آجدیر ، گؤزون توخ. گونون قارا ، دردین چوخ. ایندی سئویرم سنی سونرا سئونلرین چوخ! (سعید خانلی) *** پ.ن: قیزیل آلمالار ؛ شعر توپلوسو ؛ حاضیرلایانی: سعید موغانلی پ.ن2: هله دیرییم...!
+ نوشته شده در جمعه 1387/02/20ساعت 12:51 توسط خزر |
